Pages

Saturday, February 19, 2011

آسف يا ريس!!




آسف ياريس حقك عليا ..

فيه كام رصاصه مجتش فيا..


صحيح جارتنا فقدت ضناها .. 

وكام مواطن وكام ضحيه..


مش غلطة منى وحياه جمالك ..

 دى غلطة م الى فقع عنيا..


حبه كرامة كانوا عندى لسه..

عيون عساكرك نسيوها فيا..


فيه لسه لقمة ومعاها هدمة ..

لو يلزموك خدهم هدية..


مهم تشبع .مهم تجمع .. 

فى ملياراتك لو يبقوا مية..


فداك ياريس كل اللى ماتوا .. 

يا ابو قلب طيب وانسانية..


آسفين يا ريس دي عيال هفية .. 

كمل ولايتك غاويين أذية..


رجعلنا عز ونظيف .. 

والعادلي دول ناس مفترية..


واوعي تنسي تجيب جمال ..

وسرور وصفوت والبلطجية..


ودوس ياريس بيهم علينا .. 

هتبقي أغلي الناس عليا..


اسقينا ذل وهوان وفقر .. 

وأقتل صبي وأقتل صبية..


وبردو مش ناسيين جمايلك .. 

مع إني مش عارف ايه هيا..


تلاتين سنة وبنقول كمان ..

عودتنا خيبيتنا القوية..


ارجع يا ريس كمل علينا .. 

كمل عليهم كمل عليا..

بقلم : أحد شعراء الثورة

0 comments:

Post a Comment